КСОМ се засили со уште еден Синдикат, од новата Влада бараат зголемување на минималната плата

Социјален дијалог веднаш и носење на нов закон за работни односи со кој ќе се ограничат времените договори и  ќе се зголеми минималната плата. Ова се барањата на КСОМ до новата влада.

Синдикалните организации ќе бараат уште во првите 100 дена новиот владин состав да ги испорача и да отвори социјален дијалог со нив. Со приклучување на Синдикатот на приватен и административен јавен сектор тие се уште побројни и најавија дека ќе бидат погласни во нивните барања.

Ги охрабруваат работниците да пријават секаков вид на притисок во предизборниот период.

Доколку  добијат покана од ССМ  ќе излезат со нив на протестот на здравствените работници закажан за 8 април.