Кривични пријави за кражбата во АД „Жито Караорман“

Полицијата поднесе кривична пријава против Г.М. (44) од Кичево и П.П. (55) од Прилеп кои минатиот месец го ограбија магацинот на АД „Жито Караорман“ на магистралниот пат Кичево - Охрид, стекнувајќи противправна имотна корист од околу 180.000 денари.

Како што информира МВР, кражбата се случила на 16 март годинава откако Г.М. и П.П. околу 10 часот со товарно моторно возило влегле во кругот на АД „Жито Караорман“ и од магацинот одзеле складирани метални предмети, сопственост на претпријатието, по што избегале. Потоа предметите ги продале во отпад за старо железо во Кичево.