Кривични пријави за двајца албански државјани за кражби во Струга
Албанските државјани К.К. (23) и Н.С. (19) од Либражд добија кривични пријави од Полициската станица во Струга поради постоење основи на сомнение за сторени казнени дела „тешка кражба“.
СВР Охрид соопшти дека пријавените кражбите ги направиле на 20. и 22. овој месец во „Нетто“ маркетите во Струга.
- Првата тешка кражба ја извршиле во маркетот лоциран на улицата „Маркс и Енгелс“ околу 3 часот и 30 минути. Со камен К.К. го скршил стаклото од излогот, направил отвор, по што Н.С. влегол во внатрешноста и од двете каси против-правно одзел 20.000 денари, информира портпаролот на СВР Охрид Стефан Димоски.
На 22. декември, додаде тој, околу 3 часот, пријавените со камен го скршиле стаклото во продавницата „Нетто Маркет“ лоцирана на улица „Маршал Тито“.
- Веднаш почнале со пребарување меѓу рафтовите одземајќи десет кутии цигари „Марлборо“, а потоа противправно од двете метални каси одзеле околу 4.000 денари во разни апоени. Пооваа кражба К.К. и Н.С. се упатиле кон улицата „Партизанска“ каде на истиот начин-со кршење на излогот со бекатон плочка се обиделе да влезат во продавницата „Седеф“, изјави Димоски.
Според него, тука не успеале во намерата да влезат, бидејќи биле забележани од сопствениците по што веднаш избегале.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас