Кремљ го отфрли предлогот на Киев за 30-дневно примирје
Портпаролот на Кремљ, Дмитриј Песков, денеска го отфрли предлогот на Киев за 30-дневно продолжување на едностраното тридневно примирје, кое рускиот претседател Владимир Путин го најави за почетокот на мај, од 8 до 20 мај.
Москва ја виде понудата на украинскиот претседател Володимир Зеленски, но прво треба да се разјаснат голем број прашања, рече Песков.
-Без одговори на тие прашања, тешко е да се склучи долгорочно примирје, рече Песков, додавајќи дека тоа е ставот на Путин.
Путин ги изнесе условите во март, кога американскиот претседател Доналд Трамп предложи 30-дневно примирје. Тие вклучуваа забрана за Украина да ја користи паузата за прегрупирање и вооружување на своите сили и забрана за испорака на западно оружје во Киев. Тој не понуди никакви отстапки за возврат.
Путин вчера прогласи еднострано тридневно примирје од 8 до 10 мај, што ќе се совпадне со годишната Парада на победата на Црвениот плоштад во Москва, по повод крајот на Втората светска војна, што се одржува во Русија на 9 мај.
Кинескиот претседател Си Џинпинг е меѓу странските гости кои ќе присуствуваат на парадата оваа година.
Песков го опиша објавувањето на тридневното примирје како „гест на добра волја“, додека Зеленски рече дека прогласувањето на прекин на огнот на Путин е „уште еден обид за манипулација“.
Ново на Сител
-
Алкалоид го пречекува АЕК во реваншот од финалето на ЕХФ Европскиот куп
-
Најмногу дожд во Крива Паланка, Виница и Струмица
-
Приведен возач во Штип, возел со 2,10 промили алкохол во крвта
-
Муцунски на одбележување на 30-годишнината од Дејтонскиот договор
-
Во Северна Кореја уапсени три лица поради неуспешната промоција на воен брод
-
Илиоски ја одбрани титулата светски првак
-
Најмалку три лица загинаа во рускиот напад со дронови врз Киев
-
Свежо време со повремен дожд и северен ветер