Ковид-19 ќе се лекува со крвна плазма од оние кои се излечиле од вирусот
Лекарите во Велика Британија ќе користат крв од опоравените од коронавирус за лекување на заразените лица. Тие ги повикуваат луѓето што оздравеле од Ковид-19 да донираат крв која би се користела во експериментална терапија.
Се надеваат дека антителата од опоравените ќе помогнат да се елиминира вирусот кај болните. Во САД, веќе започнаа да го проучуваат овој метод во повеќе од 1.500 болници низ целата земја.
Кога некое лице има Ковид-19, неговиот имунолошки систем реагира со производство на антитела кои го напаѓаат вирусот и со тоа се брани од инфекцијата. Со текот на времето, антителата се акумулираат и може да се најдат во плазмата.
Обиди за примена на ваков метод се прават и во Србија, а истиот подетално го опиша Весна Мијучиќ, раководител на Институтот за трансфузија на крв.
„На Институтот, каде едно лице веќе донираше крвна плазма, има уште излечени пациенти кои се подготвени да го сторат истото, за да им помогнат на лицата заболени од вирусот“, истакна Мијучиќ.
„Лицето кое е заразено создава антитела за да се заштити од инфекцијата. Кога ќе се опорави, овие антитела, што му помогнале да се излечи, се земаат со помош на сепаратор на крвните клетки и таквата плазма им се дава на заразените за да помогне во процесот на нивно заздравување“, додава таа.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност