Ковачевски во работна посета на Њујорк и Вашингтон, средби со Блинкен, Ескобар и Шоле
Премиерот Димитар Ковачевски е во работна посета во Соединетите Американски Држави. Во состав на делегацијата која ја предводи премиерот Ковачевски се и вицепремиерката задолжена за политики за добро владеење Славица Грковска и министерот за надворешни работи, Бујар Османи.
Во рамки на работната посета која започнува утре, на покана на претседавачот на Советот за безбедност на ООН, Швајцарија, предвидено е обраќање на премиерот Ковачевски на отворената седница на Советот за безбедност, во седиштето на организацијата на Обединетите нации во Њујорк.
Како што соопшти владината прес-служба, за време на престојот во Њујорк, како дел од програмата за одбележувањето на 30-годишнината од членството на Северна Македонија во организацијата на Обединетите нации, премиерот Ковачевски ќе оствари средби со високи претставници на УНИЦЕФ и УНДП и ќе се обрати на приемот во ООН организиран по повод 30 години од членството на Северна Македонија во организацијата на Обединетите нации. Како дел од програмата за одбележување на 30 годишнината, премиерот Ковачевски, во седиштето на ООН ќе учествува и на панел дискусијата посветена на превентивна дипломатија, медијација и политика на пријателство.
Воедно премиерот Ковачевски ќе присуствува и ќе се обрати на настанот организиран по повод одбележување на Денот на македонскиот јазик.
Во Вашингтон, премиерот Ковачевски е предвидено да оствари средба со државниот секретар на САД, Ентони Блинкен, специјалниот претставник на САД за Западен Балкан и заменик-помошник државен секретар на САД, Габриел Ескобар, заменик-советникот за национална безбедност на САД, Џонатан Фајнер, советникот на државниот секретар на САД, Дерек Шоле, и со повеќе сенатори и конгресмени на САД. Премиерот Ковачевски воедно, ќе оствари средба и со членовите на бордот на Атлантскиот совет (Atlantic council).
Како дел од работната посета на Вашингтон, премиерот Ковачевски ќе го посети престижниот универзитет „Џон Хопкинс” во Вашингтон каде по средбата со деканот Џејмс Стајнберг, премиерот Ковачевски ќе се обрати и ќе одржи предавање за предизвиците и можностите за Северна Македонија и земјите од Западниот Балкан на нивниот европски пат, имајќи ја предвид потребата за брз развој на регионот.
Согласно агендата планирана е и средба на премиерот Ковачевски со претставници на македонската дијаспора во САД.
Ново на Сител
-
Турската полиција уапсила над 270 криумчари и над 1.000 илегални мигранти во последниве две недели
-
Радев за Си-Ен-Ен: Референдум за еврото е клучен за довербата во институциите
-
Тошковски: Борбата со недозволената трговија со дрога е и ќе остане еден од стратешките приоритети на МВР
-
Герасимовски: Зелениот регистар е гаранција за зачувување на урбаното зеленило
-
Возел со 2,61 промили алкохол во крвта - приведен возач од струшко
-
Ученик во основно училиште спроведен во полиција во Белград откако донел список за отстрел и нож
-
Албанските иселеници, во својата земја, во првиот квартал годинава, испратиле 251 милион евра
-
Словачка се заканува со вето на новите санкции против Русија