Костадинов: Законот за ЈО е темел за независно судство и правда, обидот на Мицкоски да го заштити криминалот на Груевски нема да успее
Пред граѓаните ветивме правда, силна правна држава и независно судство.
И правда и независно судство ќе има без оглед на желбата на Христијан Мицковски и неговиот ментор Никола Груевски да го спречат тоа и да го заштитат криминалот во своите редови.
Не успеа мисијата на извршителот Мицкоски да го спаси од одговорност својот шеф во Будимпешта, Никола Груевски.
Законот за јавно обвинителство, кој е во собраниска процедура, е темел на реформите во правосудството и гарантира неселективна правда и конечно – одговорност за сите.
Правниот систем добива трајно решение без да има потреба од специјални институции и ад-хок експериментални решенија.
Со законот почитувани граѓани се гарантира дека сите судски предмети кои произлегоа од СЈО ќе имаат правна завршница. Постапките за овие процеси ќе бидат професионални, фер и базирани на докази.
Аудио материјалите остануваат докази во случаите на СЈО покренати до 30.06.2017 година како што беше предвидено со самото основањето на СЈО.
Нема скриена амнестија за никого и секој за кого постои обвинение ќе одговара пред институциите, согласно законите во нашата држава.
Очигледно тоа му пречи на Христијан Мицкоски па затоа веќе цела година преку пратениците прави се, ова законско решение да не се донесе, да не завладее правната држава.
Усвојувањето на Законот за јавно обвинителство значи и огромен придонес кон европската перспектива на државата и интегрирањето на нашите граѓани во европското семејство.
Го преземаме најважниот чекор за нашата европска интеграција, после ова ЕУ е на потег.
Затоаод овде ги повикувам сите мои колеги пратеници, да бидат на висина на одговорноста и да се стават во функција на правната држава и овој Закон зад кој застанаа и нашите меѓународни пријатели, ЕУ и САД да биде донесен со потребното мнозинство.
Владеењето на правото, силна правна држава и независно судство се основата на секое демократско општество. Како пратеници имаме обврска тоа да го обезбедиме и ќе го обезбедиме преку носењето на Законот за јавно обвинителство.
Ново на Сител
-
Музеите лани ги посетиле 289 767 граѓани
-
Да се цени фактот што Васил ја призна вината и изрази најдлабоко можно каење, вели неговиот адвокат
-
Тошковски и Дачиќ потпишаа договор за „One Stop“ систем и брза заедничка гранична контрола, имплементација пред летната сезона
-
За три дена во близина на грчкиот остров Гавдос спасени 270 мигранти и уапсени петмина криумчари
-
Трамп предлага намалување на царините за Кина на 80 проценти
-
Кривични пријави за злоупотреба на постапката за доделување договор за превоз на ученици во Куманово
-
Шаја Лабјуф за кавгата со Алек Болдвин: Беше тензично на пробите
-
Малолетничка дала 25.000 евра на ученици кои ја уценувале дека ќе го претепаат нејзиниот брат доколку не им даде пари