Косово со нови мерки за заштита од Ковид-19
Косовскиот министер за здравство Арменд Земај ги соопшти новите мерки за заштита од ширењето на епидемијата на Ковид-19, кои беа усвоени на денешната седница на Владата, јави дописникот на МИА од Приштина.
Земај информира дека од денеска ќе се затвораат канцелариите во кои има позитивни случаи, додека лицата кои биле во контакт со заразени ќе се самоизолираат на 14 дена.
– Контактите на заразените лица ќе се самоизолираат и ригорозно ќе се почитуваат заштитните мерки на Институтот за јавно здравство на Косово, додека санитарните и општинските инспекции ќе ги санкционираат случаите на непочитување на тие мерки, објави Земај.
Исто така, одлучено е да се редуцира бројот на вработени во администрацијата, се наложува задолжително носење маски и строга контрола на спроведувањето на таа мерка на влезовите во сите институции и од страна на вработените во трговските и угостителските објекти, погребните церемонии да се вршат само во кругот на потесното семејство, дополнителни мерки во старечките домови, формирање локални штабови во општините и слично.
Во Косово, заклучно со последниот официјален извештај, досега се регистрирани 2.878 заразени од новиот коронавирус, од кои починале 51 лице. Активни носители на вирусот се 1.250 лица.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје