Конзервација на предметите од поставките во Кривопаланечкиот музеј
До средината на оваа година се очекува да бидат отворени двете реновирани поставки во кривопаланечкиот музеј, а стручен тим ќе работи на конзервација на предметите од поставките, најави директорот на ЛУ Градски музеј, Крива Паланка, Драган Величковски.
Реновирањето и реконципирањето на историската и етнолошката поставка се врши со средства од Министерство за култура на Република Македонија.
- Она што беше обврска на фирмата за реконструкција и реставрација, беше завршено, сега стручните лица ќе вршат конзервација на дел од предметите, бидејќи градскиот музеј никогаш нема направено конзервација на музејскиот материјал којшто е под закана од уништување. Ќе се работи и на текстовите, скиците и фотографиите за поставување на двете поставки, рече Величковски.
Годинава музејот ќе реализира повеќе редовни изложби со акцент на фотографските, во соработка со Фото-клуб „Куманово“. Планирана е и пролетна манифестација за „традиција на мартинки“ во соработка со „Хаемос“ од Скопје, а ќе се реализираат и ахеолошки ископувања на повеќе локации во општината.
- Со Дирекцијата за култура и уметност ќе работиме на повеќе активности, а до Министерство за култура аплициравме со повеќе од шест проекти за археолошки ископувања на подрачјето на општината: во село Градец, Градиште, Опила, Вржогрнце, Конопница и т.н. „Млековод“. Министерството е со лимитирани средства, очекуваме одобрување на најмалку два проекта, од кои се надевам приоритетниот за нас, Градиште во Градец да биде еден од нив, дополни Величковски.
Според него, овој локалитет има поширок опфат, но и важност, не само од областа на археологијата, туку целиот комплекс каде е сместена и испосницата на пустиножителот, светецот Јоаким Осоговски е туристички локалитет значаен за општината и за целиот регион.
Ново на Сител
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот
-
Претседателката Сиљановска Давкова го прими кинескиот амбасадор Џанг Ѕуо