Конференција „Озеленување на балканските економии“
Конференција на тема „Озеленување на балканските економии“ денеска и утре ќе се одржи во Скопје, во организација на Демократската обнова на Македонија и Балканската мрежа на зелени партии, во соработка со Европската зелена партија.
Учесниците ќе споделат добри практики и ќе разменат искуства за потенцијалите за отворање нови зелени работни места во регионот. Ќе се дискутира и за воведување правичен данок, како предуслов за озеленување на домашните економии. Тоа се алтернативните политики кои на Балканот му ги нудат зелените партии.
На конференцијата ќе учествуваат претставници од Европската зелена партија, од зелените партии од Албанија, Бугарија, Хрватска, Грција, Унгарија, Црна Гора, Србија и Турција, како и од Мрежата за соработка и развој на Источна Европа. Од Македонија, како што најавија организаторитте, поканети се политичари, граѓански активисти, експерти и претставници на институциите.
Меѓу говорниците на конференцијата се и политичари и активисти од Европа и Македонија, меѓу кои и Евелин Хајтеброк, поранешна белгиска министерска за животна средина, а сега членка на Извршниот одбор на Европската Зелена партија, Ведран Хорват, поранешен директор на Фондацијата „Хајнрих Бел“, како и претставник од Гринпис за Источна Европа.
Ново на Сител
-
Во Србија поголемиот број училишта не работеа, протест на просветните работници
-
Приведено лице барано со потерница за затворска казна од пет години
-
Украла пари од домот на 74 годишна жена, приведена прилепчанка
-
До крајот на неделава променливо време со повремен дожд и ветер
-
Нова кривична за Мерко
-
Внимавајте се појавија лажни паркинг карти - не ги плаќајте
-
Пронајдени мигранти од Непал, приведени две лица од кумановско
-
ЦУК: Вкупно 1.727 повици на 112, осум пожари на отворено