Концерт на Темков и Вршкова во Мајнц

Флејтистот Страшо Темков и пијанистката Марија Вршкова вечер ќе одржат концерт на Факултетот за музичка уметност на Универзитетот „Јоханес Гутенберг” во Мајнц, Германија, со кој неодамна ФМУ од Скопје потпиша договор за соработка преку образовната програма „Еразмус“. 

Македонските музичари ќе изведат дела од Трајко Прокопиев, Томислав Зографски, Гоце Коларовски, Гоце Симоноски, како и од светската музичка литература. 

Темков и Вршкова досега имаат реализирано голем број концерти на познати музички фестивали во Македонија и низ светот.