Комисиската расправа за законот за поништување на лустрацијата повторно одложена
Почетокот на собраниската Комисија за политички систем и односи меѓу заедниците на која пратениците треба да расправаат за потребата за носење на законот за поништување на лустрацијата, денеска е одложен по втор пат. Овој пат за еден час и тоа поради немање кворум, бидејќи пратениците на ВМРО-ДПМНЕ не беа во салата каде требаше да се одржи седницата, туку во собранискиот хол.
Претседателот на Комисијата, Александар Кирацовски го одложи почетокот на Комисијата и ги повика пратениците од ВМРО-ДПМНЕ да дојдат на следното продолжение. Тој најави и изјава за медиумите.
Иако седницата на Комисијата на чиј дневен ред е за Предлог-законот за поништување на лустрацијата не започна, пратеници на СДСМ и на ВМРО-ДПМНЕ веќе одржаа прес-конференции на кои ги соопштија партиските ставови.
Опозициската ВМРО-ДПМНЕ соопшти дека нема да го поддржи Предлог-законот, додека СДСМ го критикуваше ваквиот став потенцирајќи дека опозициската партија „ја злоупотреби лустрацијата за политички, партиски, па дури и лични цели“.
Ново на Сител
-
Утре посебен сообраќаен режим во Скопје поради ревијална трка
-
ОЈО: Градоначалничката како службено лице да ги посочи парцелите за коишто се сомнева дека има незаконитости
-
Трибина во врска со Оперативниот план 2025 „Визија за промена“
-
Станков: Добрата одлука почнува со точна статистичка анализа, затоа е важно користење на официјалните статистички податоци
-
Учениците полагаат државна матура, МОН и ДИЦ им посакаа успех и очекуваат да помине во најдобар ред
-
Узбуна во автомобилската индустрија, можно е да биде присилена да го запре производството
-
Протести во Бугарија против воведувањето на еврото
-
Интер и ПСЖ во жестока борба за трофејот од Лигата на шампионите