Кочанчанец украл „пасат“, полицијата го пронајде и уапси во Штип

Полициски службеници од СВР Штип вчера во 14.00 часот во Штип, го лишиле од слобода К.А.(46) од Кочани.

Како што информираа од МВР, тој се сомничи дека утрото на 16.09.2022 на ул.„8-ми Септември“ во Кочани одзел патничко возило „фолксваген пасат“ со кочански регистарски ознаки, сопственост на Б.Г.(42) од Кочани. Возилото било пронајдено и вратено на сопственикот, а К.А. бил приведен во полициска станица и по целосно документирање на случајот против него ќе биде поднесена соодветна пријава.