„Книговодителот од Аушвиц“ сепак оди во затвор
Германскиот Уставен суд денеска реши дека 96-годишниот Оскар Гренинг, познат под прекарот „книговодителот од Аушвиц“, сепак ќе мора да ја отслужи казната затвор од четири години и покрај поодминатата возраст.
Гренинг во 2015 година беше осуден на четиригодишна затворска казна под обвинение за учество во убиството на 300.000 лица во нацистичкиот концентрационен логор „Аушвиц“.
Адвокатите на Гренинг бараа тој да биде ослобден од отслужување на казната затвор поради поодминатата возраст и физичката состојба, нагласувајќи дека пресудата „го прекршува неговото право на живот“.
Уставниот суд на Германија ги отфрли ваквите образложенија на одбраната, оценувајќи дека е значајно тој да биде казнет, имајќи ја предвид тежимата на злосторставта за кои е осуден.
Пресудата на Уставниот суд е конечна и одбраната нема право на нејзино обжалување. Сепак, Гренинг би можел да биде ослободен од затвор, доколку неговата здравствена состојба се влоши.
Гренинг како офицер на СС во текот на Втората светска војна во „Аушвиц“ бил ангажиран да ги брои парите одземени од лицата што завршиле во логорот.
Ново на Сител
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ
-
Пелистер го совлада Работнички, ќе игра со МЗТ за титулата