Ќе се реконструира хотелот „Европа“ во Отешево
Претставниците на компанијата „Глобал инвестмент фонд“ од Обединетите Арапски Емирати, која неодамна го купи хотелот „Европа“ во Отешево денеска го запознаа градоначалникот на општина Ресен, Ѓоко Стрезовски со активностите околу реконструкцијата на овој туристички капацитет на брегот на Преспанското Езеро.
Ресенскиот градоначалник изрази задоволство од заинтересираноста на компанијата за инвестирање во туристичкиот сектор, како една од најзначајните стопански гранки во Преспа, како и од решавањето на еден од најгорливите проблеми на преспанскиот туризам.
- Големо е задовоството кај нас како локлана самоуправа што почнуваме со решавање на една од болните точки за преспанскиот туризам, а тоа се сместувачките капацитети во туристичката населба Отешево. Според најавите на инвеститорот догодина ова време ќе никне еден нов туристички капацитет на преспанското крајбрежје што ги исполнува сите услови за модерен туризам, изјави Стрезовски.
Менаџерот на емиратската компанија Абдулбари Салах истакна дека во Македонија ќе инвестираат во повеќе сектори во делот на енергетиката, гасификацијата и туризмот. Покрај во хотелот „Европа“ посочи дека се заинтересирани да инвестираат и во други туристички капацитети на преспанското крајбрежје.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар