Македонија
20. April 2021 - 12:29

Ќе има ли полициски час за Велигден?

Владата на седница денеска треба да донесе одлука за продолжување на полицискиот час во  она исто траење како и досега а тоа е 20 часот па се до 5 наутро.

Ваква одлука се очекува по препораката која вчера ја даде Комисијата за заразни болести која препорача во овој режим на рестрикции да останеме уште една недела. Веќе е извесно дека и оваа година велигденските празници ќе поминат со полициски час а прашањето кое останува отворено е дали тој ќе завршува во 20 или 21 часот.

Владината прес служба вчера извести дека главниот кризен штаб размислува во периодот од 27 април па се до 15 мај да ги релаксира мерките односно, полицискиот час да почнува 1 час подоцна а да работат и летните тераси на угостителските објекти.