-->
-->
Кишида: Јапонија повеќе никогаш нема да води војна
-->
Јапонскиот премиер Фумио Кишида денеска, на 77-годишнината од капитулацијата на Токио во Втората светска војна, вети дека земјата никогаш повеќе нема да води војна.
Членовите на Владата го одбележаа денот со посета на контроверзниот храм Јасукуни, чин за кој агенциите пишуваат дека ќе ги налути Кина и Јужна Кореја.
Во храмот Јасукуни се оддава почит на 14 воени водачи од Втората светска војна кои Сојузничкиот трибунал ги прогласи за воени злосторници.
Кишида не го посети Јасукуни, но се помоли во храм во Токио, објави новинската агенција Кјодо.
„Никогаш нема да минеме низ ужасите на војната. Ние ќе продолжиме да го исполнуваме овој завет. Во свет во кој конфликтите не стивнуваат, Јапонија е активен лидер во мирот“, рече Кишида.
Владиниот функционер Хироказу Мацуно рече дека е „природно секоја земја да им оддава почит на оние кои ги дале своите животи за татковината“, додавајќи дека Токио ќе продолжи да ги зајакнува односите со своите соседи, вклучувајќи ги Кина и Јужна Кореја.
Јапонија им се предаде на сојузниците на 15 август 1945 година и формално ја потпиша капитулацијата на 2 септември.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово