Кина: Споровите за Јужното Кинеско Море треба да се решаваат по мирен пат
Спорните прашања во Јужното Кинеско Море треба да се решаваат по мирен пат преку преговори, но кинеската Влада има одговорност да го брани суверенитетот и морските права на земјата, изјави во Синагпур кинескиот претседател Кси Џинпинг.
- Правото на преминување на бродови и авиони во реонот на Јужното Кинеско Море не било и никогаш нема да биде проблем, бидејќи Кина најмногу има потреба од слобода на преминување во Јужното Кинеско Море. Иако, некои помали острови, над кои Кина има суверенитет биле окупирани од други, Кина секогаш се залага за решавање на проблемот со мирни преговори. Кина е ангажирана да работи со директно засегнатите од ова прашање земји за решавање на спорот врз основа на почитување на историските факти, согласно меѓународните закони и преку разговори и преговори, изјави Кси Џинпинг во своето обраќање на Националниот универзитет во Сингапур.
Кинескиот претседател го поздрави фактот земји надвор од регионот да имаат позитовно влијание на мирот и неговиот развој.
Кина има територијални спорови за разни региони во Јужното Кинеско Море со Виетнам, Филипините, Малезија, Тајван и Брунеи.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје