Кина инсталира воена опрема на спорните острови во Јужното Кинеско Море
Најновите сателитски снимки откриваат „значително присуство“ на кинеско оружје и воени инсталации на спорните острови во Јужното Кинеско Море, тврди американската тинк-тенк група Азиска поморска транспарентна иницијатива (АМТИ).
Кина претходно ветуваше дека нејзиното присуство во овој регион нема за цел милитаризација на тој дел од Азија.
Снимките што сега ги објавува АМТИ, меѓутоа, откриваат присуство на противвоздушни топови и антиракетни одбранбени системи на седум од овие острови.
Воени експери веруваат дека капацитетите се изградени во последните неколку месеци и дека тие се за воени и за одбранбени потреби.
На сателитските снимки има воени капацитети за детектирање и за пресретнување ракети и противнички авиони.
Американските медиуми кои ги пренесуаваат наодите на оваа тинк-тенк група, забележуваат дека официјален Пекинг засега не ги коментираше тврдењата на АМТИ.
Во текот на својата посета на САД во септември 2015 година, кинескиот претседател Си Џинпинг изјави дека Кина не се стреми кон милитаризација на островите во Јужното Кинеско Море.
Но, Пекинг останува на позицијата дека целото Јужно Кинеско Море е кинеска суверена територија, за која се потребни одбранбени мерки, Претензии кон делови од Морето имаат и Виетнам, Филипините, Тајван, Малезија и Брунеи. На ескалацијата на територијалниот спор, САД реагираа со испраќање воени бродови во регионот.
Ново на Сител
-
Тема на денот со Ана Каранфилова Мазневска, раководител на сектор за отпад
-
Мицкоски: Бугарскиот парламент да го ратификува пристапниот договор па потоа уставни измени
-
Мицкоски: Да не се врши притисок врз Уставен
-
Анализа: Што ќе се случува со ЗЕЛС ако општините продолжат да ја напуштаат организацијата?
-
Владата ќе бара решение за да не пораснат функционерските плати
-
Многу жени не одат на закажан скрининг за рак на дојка – Пациенти со симптоми пак чекаат со месеци за мамографија
-
Ситуацијата кај Буково алармантна
-
Министерството за дигитална трансформација отвори прв општински центар за услуги