-->
-->
Кина гради голем центар за карантин поради коронавирусот
-->
Голем центар за карантин со повеќе од 4.000 соби се гради во северна Кина поради избувнувањето на Ковид-19 во Шинџијанџуанг, град со повеќе од 10 милиони жители во провинцијата Хебеј.
Сателитски снимки од Европската вселенска агенција покажуваат огромни промени во последните десет дена во област каде што имало само рамна површина пред да започне изградбата на 13 јануари.
Весникот „Пипл дејли“ објави дека 600 соби биле подготвени до 19 јануари, а до крајот на изградбата ќе бидат додадени уште 3.600.
Градежни работници и материјали беа испратени од целата земја за да помогнат во изградбата на центарот, објавија државните медиуми.
Вообичаена практика е во Кина да се мобилизираат ресурси од целата земја за борба против катастрофи и други кризи.
Центарот за карантин треба да прима луѓе кои биле во контакт со лице заразено со коронавирус. Секоја соба, наменета за едно лице, е со големина од 18 метри квадратни и е опремена со постелнина, маса, клима уред, телевизија и интернет, пренесува Чајна њуз сервис.
-->
-->
-->
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка