Ким Џонг-ун го потврди продлабочувањето на соработката со Москва
Севернокорејскиот лидер Ким Џонг-ун уште еднаш го потврди продлабочувањето на соработката со Москва во порака до претседателот Владимир Путин.
По повод одбележувањето на годишнината од независноста од јапонската колонијална власт, Ким Џонг-ун му испрати порака на Путин во која го потврдува продлабочувањето на соработката со Русија, јави државната новинска агенција КЦНА, пренесе Хина.
Корејскиот лидер порача дека Русија ќе победи во „светата војна за мир и правда“, пренесува КЦНА.
Тоа беше одговор на честитката на Путин по повод годишнината од Денот на ослободувањето на 15 август, во која рускиот лидер рече дека врската создадена додека советските војници се бореле против Јапонија сè уште служи како основа на нивната врска.
„Пријателските чувства на армиите и народите на двете земји ковани и продлабочени во крвавата битка против заедничкиот непријател служат како силна движечка сила за развој на односите на пријателство и соработка во сеопфатно стратешко партнерство и непобедливо пријателство“ изјави Ким во пораката до рускиот лидер.
Ким и Путин во јуни во Пјонгјанг го имаа својот втор самит за помалку од една година, притоа и потпишаа пакт за „сеопфатно стратешко партнерство“, што вклучува договор за заемна одбрана.
Ново на Сител
-
Расчистен случајот „Долно Блаце“, дисциплинска постапка за шест полициски службеници
-
Нашиот Мато наполетано повторно помеѓу светската елита
-
Паднато дрво кај месноста Баткова Чешма го отежнува движењето на возилата на патот Делчево - Македонска Каменица
-
На повикот за проекти во вкупна вредност од 250 милиони евра во текот на вчерашниот ден аплицирале 10 до12 општини
-
Протест пред полициската станица во Косовска Митровица поради апсењето на четворицата српски младинци
-
Мицкоски за преговорите со Бугарија: Да почекаме таму да се случи политичка Влада, за да видиме дали постои желба за дијалог
-
Ќе има и есенска и пролетна кошничка, Владата ќе му излезе во пресрет на стопанството за Законот за нефер трговски практики
-
Приведен дилер од Тетовско за издржување казна затвор од четири години