Кичевски: Заканите и навредите се доказ дека ВМРО-ДПМНЕ не е поместена од насилничката матрица
Почитувани граѓани, почитувани новинари,
Страшни и скандалозни се заканите и навредите што произлегоа од кавгата меѓу Христијан Мицкоски и Данела Арсовска.
„Од првиот момент кога ќе станам премиер, ќе те влечеме по улици“ и „Ќе го бришеме подот со тебе“ така според сведоштвата на Арсовска, се заканувал шпицниот градоначалник Мицкоски.
До пред само неколку месеци, ВМРО-ДПМНЕ за Арсовска зборуваше дека е најдобрата градоначалничка, дека е мајка на градот, а сега оваа партија бара доказ дека Арсовска е во добра психофизичка состојба.
Наместо за граѓаните, наместо за проекти, граѓаните слушаат закани, навреди, едно ниско, разочарувачко ниво.
Начинот на комуникација меѓу Арсовска и Мицкоски покажува зошто ништо во Град Скопје не функционира.
И додека јавноста слуша за закани клевети и навреди меѓу ВМРО-ДПМНЕ и Арсовска, СДСМ прави се за да ги реши проблемите на скопјани.
Парното во Скопје веќе го презема и го управува Владата на премиерот Ковачевски, затоа што Арсовска и мнозинството во Советот од ВМРО-ДПМНЕ се откажаа од него.
Благодарение на одговорниот и чесен пристап на претседателот Ковачевски, блокадите на скопските улици се отстранети и дадена е шанса преку дијалог да дојдат до решение.
Единствено во премиерот Ковачевски, граѓаните гледаат сериозен партнер и човек кој се грижи за нив.
Скопје и неговите граѓани, не заслужуваат да бидат заложници на кавгите на Мицкоски и Арсовска.
Васко Кичевски, претседател на градска огранизација на СДСМ – Скопје
Ново на Сител
-
Претрес во Штип, приведен дилер
-
ИДФ: Убиен е Махмуд ал-Мабух , командант на единицата за дронови на Хамас во Газа
-
Во Берово најстудено, во Гевгелија најтопло
-
Полициска акција во струмичко-гевгелискиот регион - се очекуваат детали од МВР
-
Седумнаесет години од загинувањето на Тоше Проески
-
Судскиот совет ќе разгледува барања за исклучување на јавноста во постапки за одговорност на судии
-
Во Кривичен продолжува судењето за двојното убиство на Вања и Панче
-
Предлог-измените на Законот за домување на комисиска расправа