Свет
21. September 2016 - 8:33

Керн и Курц за начинот на намалување на приливот на мигрантите

Австрискиот канцелар и министерот за надворешни работи, Кристијан Керн и Себастијан Курц повикаа во Њујорк на заедничка акција на Европската унија во врска со зајакнување на европските надворешни граници, како и за создавање на „Маршалов план“ за земјите, одговорни за најголемиот прилив мигранти во Европа.

Керн се фокусираше на потребата да се намали приливот на мигранти, така што ќе се подобрат условите за живот на оние кои најверојатно би ги напуштиле своите земји, додека Курц говореше за потребата да се зајакне контролата на границите. 

Двајцата австриски функционери говореа во пресрет на регионалниот самит за бегалците во Виена, кој треба да биде одржан в сабота.