Кери пристигна во Абу Даби на разговори за мировниот план за Сирија
Американскиот државен секретар Џон Кери денеска пристигнува во Абу Даби на разговори со високи претставници на Обединетите Арапски Емирати за напорите за формирање делегација на сириската опозиција за евентуални мировни преговори со режимот во Дамаск, пренесоа француските медиуми.
Државниот секретар ќе разговара со принцот престолонаследник шеикот Мохамед бин Заид Ал Нахајан и шефот на дипломатијата шеикот Абдула бин Заид Ал Нахајан.
Во Абу Даби Кери ќе се сретне и со министерот за надворешни работи на Саудиска Арабија, Адел ибн Ахмед ал Џубеир, информира член на американската делегација.
Посетата на американскиот државен е дел од напорите за прекин на граѓанската војна во Сирија, во која за 4,5 години се убиени над 250.000 лица.
Кери од Абу Даби заминува за Израел и палестинските територии, каде треба да повика на прекин на насилството, кое од почетокот на октомври зеде над 100 жртви.
Ново на Сител
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки
-
АСО: Неоправдано и без основа зголемувањето на цените на осигурувањето од задолжителна автомобилска одговорност
-
Почина таткото на Тоше, Никола Проески
-
Од утре до понеделник јавниот превоз во Скопје по неделен возен ред