Кејси Афлек се повлече од „Оскарите“

Mинатогодишниот „оскаровец“ Кејси Афлек нема да биде доделувач на церемонијата за „Оскарите“, поради обвинувања за сексуално вознемирување, соопшти портпаролката на тимот за организација на свеченоста.

И гласноговорничката на Афлек потврди дека тој нема да се појави на бината, притоа несоопштувајќи други детали.

Афлек е обвинет за сексуално вознемирување пред доделувањето на „Оскарите“ во 2010 година.

Две членки кои работеле со него на филм, го обвинуваат дека „им се пуштал“, но и двата случаја се решени вонсудски, пренесува Танјуг.