Касами: Граѓаните не се задоволни од актуелната градоначалничка и бараат промени во Тетово
Лидерот на Движењето Беса и кандидат за градоначалник на Тетово, Билал Касами оствари средби со граѓаните во неколку изборни штабови во некои населби на општина Тетово. За време на посетата Касами беше информиран за состојбите на терен, додека тој ја пренесе уште еднаш пораката дека Движењето Беса нема да дозволи поддршката за него и Беса во Тетово да се претвори во политичко пазарење.
-Сликата на изборите од првиот круг е јасна, граѓаните дадоа јасна порака дека не се задоволни од актуелната градоначалничка и бараат промени во Тетово, јас и Беса сме биле и ќе бидеме во коалиција со граѓанинот, а не со политичките партии, бидејќи на крајот одлуката е само на граѓанинот. Избирачкото тело се покажа дека е интелигентно и тоа се докажа со гласови, Беса и Билал Касами добија над 10.400 гласа со директен пристап до граѓаните, а сега време е да се дозволи да се соочат изборните програми и граѓаните да ја оценат која програма е најдобра Тетово, истакна Билал Касами кон граѓаните на вчерашните средби.
Кандидатот за градоначалник ги посети изборните штабови во Голема и Мала Речица, Теќе, Тетекс 2, Тетекс 1 и Гам Гам.
Ново на Сител
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола