Картер: САД ја прошируваат кампањата против ИД

Американскиот секретар за одбрана Еш Картер изјави денеска дека администрацијата на претседателот Барак Обама се подготвува да ја интензивира воената кампања против Исламска држава со вклучување на повеќе и поинтензивни воздушни напади во Сирија.

Во обраќање во Одборот за оружените сили во Сенатот, Картер рече дека новиот пристап во борбата против ИД ќе се однесува првично за Рака, која Исламска држава ја прогласи за своја престолнина во Сирија и Рамади како главен град на покраината Анбар во западен Ирак.

Картер додаде дека САД се надеваат дека силите на арапските држави ќе бидат подобро опремени во борбата против ИД.