Каракачанов: Овој парламент беше најпростачкиот во историјата на Бугарија
Лидерот на бугарската партија ВМРО, Красимир Каракачанов гостуваше на БТВ во емисијата „Оваа сабота и недела“ и се осврна на неколку актуелни теми.
Каракачанов пред сѐ зборуваше за третите по ред парламентарни избори во земјата за една година на кои неговата партија не успеа да го помине цензусот и да влезе во Народното собрание.
-Овој парламент беше најпростачкиот парламент во историјата на Бугарија по ослободувањето. Немаше ни грам желба за дијалог и национална консолидација. Уште еднаш се виде дека партиите се претвораат во центри на моќ, а не во политички формации со јасна идеологија, принципи и идеали. Интересите на бугарскиот народ диктираа „дијалог“, а не избори 16 пати за 2 години, рече Каракачанов.
Тој додаде дека претставниците на „Има таков народ“ во Националното собрание се „слаби“ како политичари и дека веќе двапати ја доведоа земјата во ситуација да се потрошат многу пари за јалови избори.
Каракачанов ги коментираше и најновите одлуки на пратениците, поврзани со ребалансот на државниот буџет и зголемувањето на пензиите.
– Ваква брза инфлација никогаш не се случила во Бугарија. Цените во нашата земја скокнаа помеѓу 15 и 50%. За какво зголемување на пензиите зборуваме, ова покачување веќе е изедено, рече тој.
Дваесет години по нападите на 11 септември, лидерот на ВМРО изрази загриженост дека целиот демократски свет сега е повторно под закана.
– Бугарија не е самоизолиран остров, заканите се глобални. Она што се случи на 11 септември се должи на фактот дека САД долго време го потценуваа проблемот со радикалниот исламизам, рече Каракачанов за неодамнешните настани во Авганистан.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот