Камала Харис ги повикува Американците да му се спротивстават на Трамп
Харис изјавата ја даде во својот најголем говор откако ја напушти функцијата, што претставува еден вид политичко враќање за демократскиот претседателски кандидат откако Трамп ја победи на изборите минатата година. Таа се смета за силен кандидат за гувернер на државата Калифорнија следната година ако одлучи да влезе во трката и би можела повторно да се кандидира за претседател.
Коментирајќи ги првите 100 дена на Трамп на функцијата, Харис рече дека царините, кои се централен дел од економската политика на Трамп, „очигледно повикуваат на рецесија“.
Таа оцени дека политиките на Трамп ги фаворизира богатите и ја опиша неговата „тесна, себична визија“, во која тие „ги казнуваат оние што ја кажуваат вистината, ги фаворизираат лојалистите, ја монетизираат својата моќ и им дозволуваат на сите други да се грижат сами за себе“.
Харис гаворот го оддржа во нејзиниот роден град, областа на заливот Сан Франциско, на настан организиран од организацијата „Emerge America“. Организацијата се залага за избор на жени од Демократската партија на јавни позиции и ја започна својата работа по првата кандидатура на Харис во Сан Франциско.
Во бурниот почеток на неговиот втор мандат, Трамп потпиша 142 извршни наредби, повеќе од кој било друг претседател, покажува „American Presidency Project“, на Универзитетот во Калифорнија. Крајот на првиот квартал, исто така, претставуваше први намалување на американската економија во последните три години.
Трамп го обвини поранешниот претседател Џо Бајден за слабиот БДП. Поддршката за Трамп падна на 42 проценти, при што 36 проценти од Американците го одобруваат неговото управување со економијата, покажа еодамнешната анкета на Ројтерс/Ипсос. Истата анкета, исто така, покажа дека демократите (71 процент) имаат помала доверба во своето лидерство отколку републиканците (83 проценти).
Харис повика на отворено спротивставување, повикувајќи ги своите сојузници да проговорат и пофалувајќи ги сенаторите Кори Букер, Берни Сандерс и активистите за „моралната чистота“ и храброста.
Таа предупреди на уставна криза што се заканува доколку Конгресот или судството „не успеат во својата улога“.
Ново на Сител
-
Честитка од премиерот Мицкоски за изборот на новиот папа Лав XIV
-
Прв говор на папата Лав Четрнаести: Бог нè сака сите, безусловно
-
Девизните резерви на крајот на април 4,77 милијарди евра
-
Македонските ракометари ја совладаа Естонија во евроквалификациите
-
Американецот Роберт Превост е новиот папа, со избрано име Лав 14
-
Кардиналот Ре се надева дека вечерва ќе биде избран новиот папа
-
Скопската полиција на лице место фати криминалци кои краделе во објектите на поранешна Железара
-
Кривична против 39-годишник, ја следел неговата поранешна партнерка и упатувал закани преку пораки