Јужна Африка: Студенти запалија зграда во знак на протест
Студентите кои протестираат во Јужна Африка запалиле неколку згради кои се во рамки на Северозападниот универзитет во градот Махикенг, принудувајќи ја управата да го затвори кампусот и да побара од студентите да си заминат, пренесува Танјуг.
Локалните медиуми пренесуваат дека Кос Дегенар, потпаролот на јужноафриканскиот универзитет соопштил дека демонстрантите синоќа го запалиле административниот блок, вклучувајќи го и научниот центар кој се наоѓа во него.
Студентите исто така го запалиле и домот на надзорникот на студентскиот дом.
Јужноафриканскиот претседател Џејкоб Зума денеска го осуди насилството и уништувањето на имотот, што студентите за време на протестите го извршија врз неколку кампуси низ земјата.
- Палењето на универзитетската зграда во време кога образованието на нашата младина го гледаме како приоритет е необјасниво и никогаш нема да може да се прости, нагласи Зума.
Насилството следеше по ескалацијата на студентските протести во универзитетските кампуси насекаде низ Јужна Африка, кои често имаат барања за помала школарина, повеќе студентски домови и отстранување на статуите и другите уметнички дела кои за некои студенти претставуваат расистичко минато на Јужна Африка.
Ново на Сител
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено
-
Сончево и топло, попладне локално дожд и грмежи