„Јутарњи лист“: Хрватска за 14 дена ќе постави ограда на границата со Србија
Хрватската Влада е подготвена да почне со изградба на ограда на границата со Србија и доколку почне со реализација на овој план за справување со бегалската криза, работите ќе траат околу две недели, пишува весникот „Јутарњи лист“.
Според информациите на загрепскиот весник од извори во Владата, плановите за оградување на границата постојат одредено време и откако пропаднал „планот Ц“, се е подготвено за „планот Д“, кој опфаќа подигнување ѕид на српската граница за 14 дена.
- Доколку Словенија или Австрија драстично го редуцираат приливот на мигрантите, нам не ни преостанува ништо друго, освен да го ограничиме бројот на лицата кои пристигнуваат од Србија. Во тој случај изградбата на оградата би траела неколку недели, бидејќи на некои делови од границата работите би биле потешки поради природните препреки, појаснува изворот од Владата.
Хрватскиот премиер Зоран Милановиќ претходно порача дека кревањето на ограда меѓу Хрватска и Србија, со цел да се спречат бегалците е „последно од последните решенија“ и дека изградбата на ѕид го смета за „грдо и погрешно“.
Ново на Сител
-
Белата куќа: Трамп целосно ја поддржува офанзивата на Израел во Газа
-
Сообраќајот се одвива по претежно суви коловози освен на осојничавите места
-
Зеленски: Путин се преправа дека сака мир, со поставување непотребни барања само ја продолжува војната
-
Мајнл-Рајзингер - Муцунски: Австрија стои до Северна Македонија во вонредни ситуации и на патот кон ЕУ
-
Почувствуван земјотрес со епицентар во Струмица
-
Одземени возила што биле користени во „диви“ трки во Скопје
-
МЗ: Ги следиме потребите на населението во Кочани, на терен зајакнати медицински тимови
-
Пронајдени околу 10.000 парчиња пиротехника на Бит Пазар, лишено од слобода едно лице