Јункер и порача на Москва дека границите на ЕУ се недопирливи
Претседателот на Европската комисија Жан-Клод Јункер денеска ја предупреди Москва дека границите на ЕУ се „недопирливи“, нагласувајќи дека безбедноста на државите во ЕУ е неприкосновена.
- Безбедноста и границите на земјите членки на ЕУ се недопирливи и сакам тоа јасно да се разбере во Москва. Полска, балтичките држави и сите други се многу важни земји членки на ЕУ и тие не треба да мислат дека нема да бидеме таму за нив. Имаме обврска да ја штитиме безбедноста на сите, изјави Јункер во Европскиот парламент.
Јункер, нагласи дека овие европски земји треба сериозно да разберат дека солидарноста не е празен збор и дека ЕУ е таму и дека ќе биде таму, ако некогаш е потребно.
- ЕУ мора јасно да покаже на Русија кои се трошоците за конфронтација, но исто така, мора јасно да стави до знаење дека е подготвена да се ангажира, нагласи Јункер.
Јункер денеска на пленарната седница на Европскиот парламент во Стразбур ја претстави својата порака „За состојбата на унијата“.
Во своето обраќање претседателот на ЕК зборуваше и за бегалската криза, заканата од групата ИД, Западен Балкан, миграцијата од африканските земји и состојбата во Украина.
Ново на Сител
-
Сиљановска-Давкова прими американски и македонски професори кои соработуваат во областа на археологијата
-
Расте јазот меѓу богатите и сиромашните во Европа: Шведска е најнеправедна според распределбата на богатството
-
Иран и Израел продолжуваат со меѓусебните напади, нема знаци за деескалација
-
Гутереш повика на итна деескалација на тензиите меѓу Израел и Иран
-
Пронајден исчезнатиот Владимир од Штип
-
Утрово Иран започна четврти бран напади врз Израел
-
Почнува уписот во средните училишта, од денеска прво електронско пријавување
-
Израелски напади ја оштетиле надземната структура на нуклеарниот објект во Натанц, потврди МААЕ