Свет
8. November 2016 - 15:07

Јункер: Ердоган ќе биде одговорен ако нема олеснување визниот режим за Турците

Претседателот на Европската комисија, Жан-Клод Јункер го предупреди турскиот претседател Реџеп Тајип Ердоган дека тој ќе биде лично одговорен, доколку Анкара не ги исполни критериумите за воведување безвизен режим за турските граѓани.

Предлогот на ЕУ за либерализација на визниот режим беше дел од договорот потпишан во март годинава, со кој Турција се обврза да го спречи приливот мигранти кон ЕУ преку Грција. 

При престој во белгискиот град Бриж, Јункер изјави дека нема да има олеснување на визниот режим, доколку Турција не ги исполни поставените критериумите, кои опфаќаат и промена на законите за антитероризам.

- Се што турските власти прават денес, ме тера да помислам дека во крајна линија Турција не сака да да ги почитува европските стандарди, посочи Јункер. 

- Нам ни е потребна Турција..., но не можеме да се откажеме од своите главни принципи, нагласи првиот човек на Еврокомисијата.