Јуниорска балканска олимпијада по информатика во Охрид
Ученикот од Полска Јулиус Фам е најдобар учесник на Јуниорската балканска олимпијада по информатика, која се одржа од 14 до 19 септември во Охрид. За најдобар официјален учесник е прогласен Романецот Овидиу Разван Харшан, а бронзен медал доби Марко Чаласан кој е најдобар учесник од Македонија.
Јуниорската балканска олимпијада по информатика е настан во програмирање кој претходи на Балканската и Интернационалната олимпијада по информатика. Македонија годинава е домаќин на настанот, што се одржа во организација на Здружението на информатичарите на Македонија.
Јуниорската балканска олимпијада по информатика вклучува ученици на возраст до 15,5 години, а се одржува по деветти пат со учество на членки на Балканската иницијатива: Македонија, Кипар, Романија, Молдавија, Грција, Србија, Босна и Херцеговина и Бугарија, како и Полска и Словенија кои добија специјални покани за учество.
Секоја земја учествува со тим кој се состои од четири натпреварувачи, лидер и заменик лидер на тимот. Учениците се натпреваруваат во решавање на алгоритамски проблеми во два натпреварувачки дена.
Според претседателот на Здружението на информатичарите на Македонија, д-р Миле Јованов, кој беше и претседавач на Олимпијадата, настанот ја потврдува определбата на Македонија да ја подржува информатиката за да изгради информатичко општество и притоа креаторите на истото да се македонските информатичари.
- Ваквите натпревари кои се за најдобрите натпреварувачи од секоја земја претставуваат и поттик за сите останати ученици да се заинтересираат околу информатиката и програмирањето. Учениците учесници кои ќе постигнат значајни резултати на вакви олимпијади добиваат можност бесплатно да студираат на најпрестижните универзитети во светот, истакна Јованов.
Настанот беше организиран со поддршка на Министерството за информатичко општество и администрација, Факултетот за информатички науки и компјутерско инженерство (ФИНКИ) од Скопје и Универзитетот за информатички науки и технологии од Охрид и ИКТ компании.
Ново на Сител
-
Над 10 отсто од лицата на возраст за пензионирање во ЕУ и натаму работат
-
Митева: Никој што е вмешан нема да биде амнестиран во истрагата за Кочани
-
Американските власти го привеле најпознатиот „тиктокер“ во светот, Хаби Лејм
-
Градоначалникот на Тирана, Велиај, останува во притвор, одбиено барањето за поблага мерка и понудената кауција
-
Иран ја проширува забраната за шетање кучиња во дваесетина градови: „Нечисти се и се симбол на Западот“
-
Орбан: Русија не може да победи ниту во Украина, а не пак да се спротистави на НАТО
-
Квaлификaции зa CП 2026: Макeдoнијa победи прoтив Кaзaxстaн
-
Невреме во Букурешт: Поплави, соборени дрвја и доцнења на летови