Јотовски запрен од дождот и Кекез во второто коло во Тунис
Најдобриот македонски тенисер Томислав Јотовски остана без пласман во четвртфиналето на фјучрсот во Хамамет во Тунис. Дождот и двочасовниот прекин го „запреа“ Јотовски на патот до следната рунда. По 1 час и 17 минути игра нашиот тенисер водеше со 1-0 во сетови и 3:2 во вториот сет кога мечот беше прекинат. Во продолжението Хрватот Дује Кекез подобро го продолжи мечот и за 30 минути успеа да изедначи откако вториот сет го доби со 6:4 во гемови.
Во решавачкиот сет двајцата тенисери почнаа со по еден брејк, а на крајот Кекез беше подобар со 6:4. Мечот траеше 160 минути.
Во вкупниот број поени Кекез беше подобар со 97:92 во поени. Јотовски за пласманот во 2.коло ќе освои 1 поен.
Ова беше трет меч на двајцата тенисери и Кекез сега води со 2-1 во добиени мечеви.
Јотовски и во текот на денешниот меч имаше проблеми со повредата на раката, повреда која ја „влече“ фјучрсот во Ровињ.
Јотовски и Кекез доколку дозволи денот попладнево треба да играат и уште еден меч во конкуренција на двојки. Нивни ривали им се Александер Мерино (Перу) и Кристоф Негриту (Германија), кои на претходниот фјучрс во Тунис ги победија Јотовски и Кекез.
Ново на Сител
-
Во стабилна состојба повредените од пожарот во Кочани
-
Уапсени двајца 18-годишници во Скопје за палење огномет во денови на жалост
-
Семејствата добиваат поддршка
-
19 годишниот Јован од Виница успеал да спаси многу млади животи од катастрофата во дискотеката во Кочани
-
Коцевски: Сите закони и прописи постоеле на хартија, но речиси ниту еден не се применувал
-
Затворени уште два локали во Тетово, контролите продолжуваат
-
Се уште нема правда ниту за Ласкарци, ниту за модуларната болница – Можно ли е реотворање на судските процеси?
-
Црвен крст: Собрани повеќе од 30 милиони денари за семејствата на настраданите и повредените
