Јотовски и Србљак дел од фјучрсот во Ровињ

Двајца македонски тенисери Томислав Јотовски и Горазд Србљак се дел од учесниците на фјучрс турнирот во хрватскиот град Ровињ. Јотовски на главниот турнир влезе како последен играч и во првото коло ќе игра против Бруно Сант Ана од Бразил, кој се наоѓа на 457.место.

За разлика од Јотовски, Србљак настапот го заврши во второто коло од квалификациите. Тој загуби од Бугаринот Александар Лазаров со 2-1 во сетови (6:7(1-7); 6:3 и 6:1).

Двајцата македонски тенисери немаа многу среќа во ждрепката во игра на двојки каде ќе играат против браќата Иван и Матеј Шабанов од Хрватска, кои се рангирани како први носители.

Настап на фјучрс турнир во квалификациите во текот на викендот имаше и Бесир Дургути, кој загуби во 2.коло од Јаков Јохансон - Холм од Шведска со 2:0 во сетови (6:3 и 6:2).

На денеска објавената АТП листа нашите тенисери имаат скок:

547.место Јотовски (скок 1 место) - 57 поени

1.425.место Димитар Грабул (3.места) - 2 поена

1.580.место Србљак (2.места) - 2 поена

1.815.место Бесир Дургути (4.места) - 1 поен

1.870.место Стефан Мицов (3.места) - 1 поен