Јотовски и Грабул во финалето на ДП

Двајцата први носители на Државното првенство во тенис Томислав Јотовски и Димитар Грабул ќе играат во финалето во борбата за шампионската титула. Тие во денешните полуфинални мечеви постигнаа победи против Предраг Русевски односно Бојан Јанкуловски.

Во првото полуфинале (Грабул - Јанкуловски) имаше повеќе неизвесност и мечот со 2-1 во сетови му припадна на Грабул. Јанкуловски го доби првиот сет со 6:2 во гемови, а потоа врати Грабул со 6:3. Во решавачкиот сет до 3:3 во гемови немаше брејк, потоа Грабул поведе со 4:3. Јанкуловски врати со ри-брејк и потоа водеше со 5:4. Пак имаше серија од 2-0 за Грабул и водство од 6:5, кога Јанкуловски успеа да спаси меч топка и да направи брејк за 6:6. Победникот беше решен во тај брекот кој Грабул го доби со 7:5 на поени.

Во второто полуфинале Јотовски со многу посигурна игра го совлада Русевски со 2-0 во сетови. Првиот сет го доби со 6:1 во гемови, а во вториот беше нерешено 4:4 и по водството од 5:4 Јотовски направи брејк за да го добие сетот.

Финалето меѓу Јотовски и Грабул се игра утре со почеток во 12 часот на терените на ТК Југ.

Попладнево се играат мечевите во женска конкуренција, а и во двојки кај мажите.