Јончевски: Не ги искористивме своите шанси
Селекторот Александар Јончевски истакна дека првиот пораз на македонската кошаркарска репрезентација од Словачка (73-82) во претквалификациите за Евробаскетот 2025 се должи на неискористените шанси на вчерашното гостувањето во Левице.
-На крајот на натпреварот, некако сè се сведе на оној момент, кога при негатива од седум не успеавме да ја намалиме на потребните четири. Секако, многу порано го испуштивме чекорот со кој требаше да одиме кон успех, многу порано, на крајот на втора и цела трета четвртина, рече Јончевски.
Селекторот оцени дека македонскиот состав не го отвори мечот во Левице како што треба, но и покрај тоа, „црвено – жолтите“ дојдоа до предност во средишниот дел на првото полувреме.
-Во последната четвртина, пробавме да смениме нешто во одбраната, да играме со „преземање“ и успеавме таа негатива да ја намалиме на едноцифрена. Но, неколку одлуки, очигледни прекршоци, влијаеја на нашата концентрација. Со неуедначен критериум при досудување на личните грешки, во кој на наши реакции добивме две технички грешки, на клупа и на тренер, Словаците повторно ја преземаа контролата и успеаја да го одбранат тој наш последен обид да стигнеме. Останува да анализираме со ладни глави и да одиме понатаму, кон Осло. Сè заедно гледано, овде во Левице, имавме свои шанси кои не успеавме да ги реализираме, анализираше Јончевски.
По пет одиграни кола, Македонија останува прва на табелата во групата Д, со ефект од четири победи и еден пораз и за сигурен пласман во главната евроквалификациска фаза ќе ѝ биде потребна победа в недела на гостувањето против Норвешка во Осло од 18 часот.
Ново на Сител
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска