Јилдирим наведе дека е постигната речиси целосна контрола над сирискиот град Ал Баб

Турскиот премиер Бинали Јулдирим изјави денеска дека е воспоставена контрола над поголемиот дел на сирискиот град Ал Баб. 

- Ал Баб е речиси целосно земен по контрола. Наша цел е да спречиме отворање на коридори во регионот што е контролиран од терористичките групи, кон Турција, изјави турскиот премиер. 

Турција на 24 август минатата година ја започна операцијата „Еуфратски штит“ во северна Сирија, со цел да го прочисти регионот на границата од борците на Исламска држава и од сириската курдска милиција Сили за заштита на народот, кои Анкара ги оценува како терористичка организација.