Јапонија планира тесна соработка со Франција во борбата против тероризмот

Јапонија ќе развива тесна соработка со Франција во борбата против тероризмот, изјави јапонскиот премиер Шинѕо Абе по средбата со францускиот претседател Франсоа Оланд во Елисејската палата.

Според него, прашањето за спротивставување на екстремизмот ќе биде една од главните теми на претстојната средба на врвот на Г-7 во Јапонија на 26-27 мај.

Двајцата лидери разговараа и за разработување реформи за стимулирање на растот на светската економија.

- Економската ситуација во Европа почна да се подобрува, но засега растот е уште многу бавен, призна францускиот претседател.

Тој изрази задоволство дека на дневниот ред на форумот на Г-7 ќе биде и прашањето за транспарентност на меѓународните финансиски зделки.