Спорт плус
24. March 2020 - 14:19

Јапонците ја одложија олимпијадата

Иако беше единствената спортска надеж сепак и летната олимпијада се одложува соопшти Томас Бах, претседателот на Меѓународниот олимписки комитет (ИОК). Одлуката дојде откако претходно јапонскиот премиер Шинзо Абе предложи ЛОИ во Токио да се префрлат за следната година. Денес, Абе, Бах и шефот на организациониот комитет на Олимпијадата, Јоширо Мори, одржаа видеоконференциски состанок на кој се разговараше за одложувањето на Олимпијадата поради пандемијата на коронавирус. – Предложив г-дин Бах да ги одложи Игрите за една година. Тој 100% се согласува со мене, изјави Абе. Попладне ќе се одржи состанок на Извршниот комитет на ИОК на кој ќе треба оваа одлука да се официјализира. Игрите во Токио требаше да се одржат од 24 јули до 9 август.