Јансен: Трамп ќе му го остави Балканот на Путин
Новиот американски претседател Доналд Трамп нема да пројавува особен интерес кон Западен Балкан, а можно е и целосно повлекување на американските војници од овој регион, изјави за „Дојче Веле" германскиот политиколог и историчар Зибо Јансен.
Прашан дали може да се случи Трамп да му го препушти Западен Балкан на Путин, аналитичарот прогнозира дека Трамп целосно ќе се тргне од тие теми.
- Тој ќе рече дека тоа е европско прашање, а бидејќи Европејците не се единствени (на пример, државата Косово не е призната од сите членки на ЕУ), според моето мнение, во иднина Русија таму фактички ќе има голема улога и силно влијание, вели Јансен.
Германскиот експерт натаму оценува дека стравот на Приштина од поделба на Косово е оправдан.
- Претседателот на Србија индиректно им се закани со војна. Косовското раководство, за волја на вистината, исто така реагира воинствено, додава Јансен, посочувајќи дека косовските Албанци го сакаат Косово неделиво и цело, а Србите не сакаат да го признаат како независна држава и целат кон тоа да вратат барем дел од таа територија, поточно северниот дел.
- Доколку САД се оттргнат од овој проблем, опасноста од конфликт би била многу реална, нагласува аналитичарот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација