Извршниот комитет на ВМРО-ДПМНЕ ја одржа првата седница
Извршниот комитет на ВМРО-ДПМНЕ на првата одржана седница го осуди политичкиот прогон од страна на власта кој преку правосудните органи се врши врз пратеници, уметници, полициски службеници и останати лица чиј единствен грев е тоа што имале храброст гласно да се спротивстават на антидржавните политики на актуелната власт.
Целта на политичкиот прогон, според Извршниот комитет е замолкнување на секаква критика и ширење на страв меѓу народот и сите кои мислат поинаку. Извршниот комитет заклучи дека ваквото однесување на актуелната власт е недемократски чин и не придонесува за нормализирање на политичката состојба во Република Македонија.
Носењето на неуставниот закон за двојазичност и ратификувањето на асиметричниот договор со Бугарија со кој што ќе се брише македонската историја, се доказ дека штетните антидржавни политики на СДСМ, на кои што пред изборите предупредуваше ВМРО ДПМНЕ, стануваат реалност. Ваквите политики, според Извршниот комитет ја редефинираат Република Македонија и нанесуваат штети на долг рок, кои нема да може да се надоместат.
Извршниот комитет на вчерашната седница ја анализираше и катастрофалната економска политика што ја води црното економско трио Заев, Анѓушев и Тевдовски, која земјава ја турка во банкрот. Нивната неспособност ја плаќаат граѓаните кои за само 15-тина денови, актуелната влада ги задолжи со над 570 милиони евра. Заради расипничката политика на новата власт секој жител на Македонија поединечно е задолжен со преку 250 евра, односно едно четиричлено семејство, благодарение на Заев, Тевдовски и Анѓушев ќе треба да враќа преку 1.000 евра.
Работата на локалната самоуправа предводена од СДСМ, според ИК е уште една потврда на нивната неспособност и безидејност. Лагите се единствениот принцип во работењето, а еден од показателите за тоа е не преземањето на никакви мерки во врска со загадувањето, иако пред изборите ветуваа дека овој проблем ќе бил решен. Додека Заев е на луксузно зимување во италијанските монденски ски центри, а Шилегов во Загреб, Скопјани ги полнат клиниките како резултат на загадениот воздух со кој што главниот град се искачи на листата на три најзагадени градови во светот.
ИК на ВМРО-ДПМНЕ го осуди политичкото насилство на СДСМ манифестирано преку стотици отпуштања од работа, деградирања и раскинувања на договори. Со ваквиот начин на работа, актуелната власт ја враќа Македонија назад во времето на мрачната транзиција кога не постоеја никакви норми, а единствен критериум некој да добие работа или да го задржи своето работно место не беа професионалноста или квалификациите, туку слепата послушност кон политичкото водство.
ИК констатираше дека практично не постои ресор во кој што Македонија не назадува и заклучи дека треба да се изготват соодветни стратегии со кои партијата ќе се спротивстави на уништувањето на земјата кое на крајот паѓа на товар на сите граѓани.
Ново на Сител
-
Во националниот парк Шар Планина најдени незаконски исечени букови дрва за огрев
-
Коцевски: Нема политичко влијание врз мојата работа, но Обвинителството се соочува со сериозни предизвици
-
Јамал под истрага за роденденската забава
-
Заради обезбедување докази за бесправна градба полицијата влегла во општините Чаир, Сарај, Аеродром и Кисела Вода
-
Тошковски: За пожарите досега приведени околку 20 лица, за дел има основани сомненија дека се организирана група
-
Приведен 46-годишен маж од Крушево поради злоупотреба на службена должност
-
Еднонеделен годишен одмор не можат да си дозволат 27 отсто од граѓаните на ЕУ
-
Тошковски: Македонија е далеку побезбедна од тоа што беше пред две години, за тоа говорат бројките, граѓаните и фактите