Извозот на жито од Украина расте и покрај руската инвазија
Украина извезла 8 отсто повеќе жито и мешунки на годишно ниво за фискалната 2021/2022 година, која заврши на крајот на јуни, и покрај руската инвазија, јави ДПА.
Извезени се вкупно околу 48,5 милиони тони, што е повеќе од пријавените 44,7 милиони тони за фискалната 2020/2021 година, соопшти Министерството за земјоделство во Киев.
За јуни, пак, извозот е намален за 44 отсто на годишно ниво и падна на 1,4 милиони тони, а причината е прекинот на извозот по морски пат.
Извозот на пченица за финансиската 2021/2022 година исто така бележи пораст на годишна основа и тоа за повеќе од 12 отсто, достигнувајќи 18,7 милиони тони. Сепак, извезените количини за јуни се за речиси 80 отсто помалку во однос на истиот месец лани.
Меѓународните хуманитарни организации стравуваат дека поради прекинот на украинскиот извоз како последица на војната може да дојде до уште поголем пораст на цената на прехранбените производи, особено на житото за леб. Стравувањата главно се поврзани со можното избивање на глад во Африка и Азија.
Во моментот, на полињата во Украина растат околу 22,48 милиони тони пченица, што е за 17 отсто помалку во однос на просечните вредности за последните четири години, покажува анализата на најголемиот трговец со земјоделски стоки во Германија „БајВа” (BayWa) врз основа на сателитски податоци.
Ново на Сител
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг