Израелските војници убиле висок командант на Хамас на Западниот Брег

Израелската армија соопшти дека нејзините сили убиле висок командант на палестинското движење „Хамас“ на Западниот Брег, јави ДПА.

Во заедничко соопштение со контраразузнавачката служба Шин Бет и израелската полиција, армијата наведува дека го нападнала Џамил Одех во градот Тулкарем на северозападниот дел на Западниот Брег.

И палестинското Министерство за здравство во Рамала ја потврди смртта на 29-годишниот маж.

Според Хамас и израелските власти, Одех бил теренски командант на бригадите Изедин ал-Касам, воено крило на исламистичката организација, во Тулкарем.

Израелската војска соопшти дека тој подготвувал напади кои требало да бидат извршени.