Израел набавува уште 25 невидливи американски борбени авиони Ф-35
Израел го одобри купувањето на третата ескадрила борбени авиони Ф-35 стелт од американскиот производител „Локид Мартин“, како дел од договор вреден три милијарди долари, јави вчера израелското Министерство за одбрана.
Со дополнителните 25 авиони бројот на борбените авиони Ф-35 во израелските воздухопловни сили ќе се зголеми на 75, соопшти Министерството, додавајќи дека зделката ќе се финансира преку пакетот одбранбена помош што Израел го добива од САД.
Израел беше првата земја надвор од САД што купи Ф-35. Во мај 2018 година, началникот на воздушните сили рече дека Израел е првата земја што овој борбен авион го користела во борба.
Ф-35 е познат и како Joint Strike Fighter, а во Израел го носи хебрејското име „Адир“ (Моќен).
Компанијата „Локид Мартин“ и производителот на мотори „Pratt & Whitney“ се согласија да ги вклучат израелските одбранбени компании во производството на компоненти за авионот, додаде израелското министерство.
Ново на Сител
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово
-
Честитка од претседателката Сиљановска Давкова по повод 23 септември, Меѓународниот ден на знаковниот јазик
-
Вооружен Украинец влегол во продавница и пукал, има ранети
-
Пронајдено досега непознато дело на Моцарт
-
Халанд го постигнува својот 100. гол за Манчестер сити