Израел им оддава почит на жртвите од нападот на 7 октомври
Израел денеска (7 октомври) им оддава почит на жртвите од терористичкиот напад на Хамас пред една година. Хамас е прогласена за терористичка организација од САД и ЕУ.
Израелскиот претседател Исак Херцог денеска ќе ги отвори комеморациите со семејствата во жалост на местото на музичкиот фестивал Нова, означувајќи го почетокот на тридневното меморијално патување до местата на масакрот, пренесе ДПА.
Во терористичкиот напад без преседан на 7 октомври 2023 година, повеќе од 1200 луѓе беа убиени во јужен Израел, а околу 250 беа земени како заложници во Појасот Газа.
Додека нацијата се обединува во жалост, земјата е исто така поделена во пристапот кон комеморациите. Роднините на заложниците организираат свој меморијален собир во Тел Авив во моментот на првите истрели утрото пред една година.
Подоцна, израелската влада ќе емитува комеморација која е претходно снимена во јужен Израел.
Со оглед на безбедносните прописи кои се во сила поради заканата од ракетни напади, на лице место им е дозволено да присуствуваат само на максимум 1000 луѓе.
Комеморацијата ќе се емитува на интернет и на специјални телевизиски програми.
Ново на Сител
-
Во одговорот на Извештајот на Комитетот против тортура на СЕ најавено подобрување на условите во затворите во земјава
-
Фон дер Лајен: ЕУ го активира Механизмот за цивилна заштита за помош на поплавените во БиХ
-
Орбан: Доколку продолжи илегалната миграција, ќе ги донесеме мигрантите пред канцелариите на ЕУ во Брисел
-
Националните партии доминираат на локалните избори во БиХ
-
Зголемени цените на угостителските услуги
-
Поради зголемено присуство на манган забранета за пиење и водата во Гостивар
-
Роналдо е првиот играч во историјата кој постигнал 600 голови на врвно ниво
-
Погба може да ја продолжи кариерата во САД или Саудиска Арабија