Изложбата „Мост“ на Сузана Зафирова до крајот на јули во „Јавна соба“
Изложбата „Мост“ на Сузана Зафирова е отворена до крајот на овој месец во Центарот за дизајн и иновации „Јавна соба“.
Она што е карактеристично за изложбата „Мост“ е дека нуди вечерни разговори со авторот на тема според која се изработени сликите.
Зафирова се обидува низ своите дела да одговори на повеќе прашања, како кои се новите ѕидови на жената, како нејзиниот емоционален капацитет го бои етерот, кои се нијансите меѓу можностите на жената онакви какви што сите би ги признале и онакви какви што се во секојдневието. Со чист ликовен израз и апстрактна сликарска игра овие прашања се одговорени на платно и на хартија со маслени и акрилни бои.
- Жената има жива улога денес, не е статична, улога која добива нови форми и менува стовековни социјални и родови пејзажи. Промена во родовото сценарио значи и ребаланс на моќта, а со тоа и на одговорноста, изјави авторката.
Во текот на 15 тематски циклуси Сузана Зафирова има одржано над 40 самостојни изложби на Балканот. Влезот за сите посетители е слободен.
Ново на Сител
-
Се следи состојбата со цените на пазарот
-
Трамп не се согласува со американските разузнавачи за штетата врз нукеларните капацитети на Иран
-
Доживотна казна затвор за убиството на Вања и Панче, ослободителна пресуда за Ѓорчевски
-
Инфраструктурни и медицински проекти на Детската клиника
-
НАТО Самит во Хаг
-
Славески препорачува намалување на банкарските провизии
-
Незадоволство во Бугарија по усвојувањето на извештајот за Македонија во ЕП
-
Како во едно големо семејство се одвива рехабилитацијата на повредените на Пониква