Изложба на скулптури од Гордана Хаџи-Николова Малешев
„Понекогаш Тие“ е насловена изложбата на скулптури на гевгелиската уметница Гордана Хаџи-Николова Малешев која ќе биде отворена вечер во 19 часот во Салон 1 во Музејот на град Скопје и ќе може да се посети до 7 јуни.
- Ќе бидат претставени 14 скулптури од дрво-ликови преку кои авторката ги материјализира своите интимни духовни содржини, кои од време на време мора да добијат форма и да го покажат своето постоење. Овој изложбен концепт уметницата веќе го прикажа во текот на 2016 година пред публиката во Штип, Струмица и Прилеп, соопшти Музеј на Град Скопје.
Гордана Хаџи Николова Малешев (1976) е виш конзерватор во НУ Музеј Гевгелија. Дипломирала на Факултетот за ликовни уметности во Скопје, на отсекот по вајарство во 2000 година во класата на проф. Драган Попоски Дада, под чие менторство и магистрирала три години подоцна.
Член е на Друштвото на ликовни уметници на Македонија и на друштвата на ликовни уметници на Гевгелија и на Битола. Учествувала на многу меѓународни симпозиуми и ликовни колонии во земјава и странство. Имала изложби во Софија, Москва, Париз, Берлин.
Ново на Сител
-
До крајов на неделава нестабилно време со повремен пороен дожд и грмежи
-
Потпишан договорот за изградба на гасниот интерконектор со Грција
-
Македонија не смее да биде жртва на изнудување на членство во ЕУ
-
Се скарале во сообраќај па извадил нож и го избодел, уапсен 61-годишен гостиварец
-
Струмичанец со нож нападнал полицајци кои му кажале дека ќе му го одземат возилото
-
Дедо (80) од Македонија ограбен во Белград, отишол на договорено запознавање со девојка
-
Намалување на трошоците на животот е забележано во групите Разновидни стоки и услуги за 0.7 %
-
Сиљановска Давкова: Копенхагенските критериуми ќе не направат стандардна европска држава, ветото не е пријателски инструмент