Излезе од печат списанието „Современи дијалози“ на МНД-Битола
Македонско научно друштво-Битола го издаде најновиот број на списанието за култура – литература, драмска уметност, филм и издаваштво „Современи дијалози“.
Во најновиот број на списанието, на 200 страници објавени се творби и осврти за дела од 70 реномирани писатели од Македонија и од странство.
-„Современи дијалози“ содржи извонредно интересни и разновидни авторски творби распоредени во седум рубрики. Во рубриката „Поезија“ се поместени 90 поетски творби од реномирани поети од Македонија, во „Проза“ се застапени 17 раскази и два извадока од романи, рубриката „Драма“ содржи извадоци од две драми, рубриката „Прикази, осврти, книжевни критики, рецензии“ има разновидна палета на видувања за 11 дела и еден есеј, истакна Весна Мундишевска-Велјановска, главен и одговорен уредник на списанието.
Во најновиот број на списанието, кое е составен дел од сегментот издаваштво на Националната програма на Министерството за култура, поместени се текстови кои се однесуваат на приемот на писателот Владимир Костов во МАНУ и доделувањето на наградата „Григор Прличев“ за најдобра поема на професорката д-р Гордана Стојаноска, двајцата членови на МНД-Битола.
- Читателите може да се инфомираат и за животот и делото на францускиот книжевник Алфред де Вињи, препевот од француски на македонски јазик на неговата поема „Дивата“ и рубрика за меѓународна соработка во која се поместени 30 поетски и прозни творби од писатели од Босна и Херцеговина, Хрватска, Србија, Унгарија, Грција и Бугарија. Оваа рубрика овозможува воспоставување соработка и одржување на веќе воспоставените врски со повеќе списанија од странство, со што „Современи дијалози“ е достапен и до колегите писатели и до почитувачите на книжевноста и уметноста во странство, посочи Велјановска-Мундишевска.
Новото издание на „Современи дијалози“ содржи илустрации од Петар Наневски, а ликовен уредник и на овој број на списанието е Љубица Мешкова-Солак. МНД-Битола го издава списанието со финансиска поддршка од Министерството за култура.
Ново на Сител
-
Русија предлага втора рунда директни преговори со Украина во Истанбул в понедленик
-
САД објавија нова политика за визни ограничувања против странци кои „цензурираат“ Американци
-
Собранието го донесе Законот за ратификација на Договорот со Обединетото Кралство
-
Пред нас се неколку години со екстремно високи температури - предупредија најголемите метеоролошки служби во светот
-
Извештај на ДИА: Албанската мафија добива лидерство во шверцот со кокаин
-
Средба Сиљановска-Давкова – Токајев во Астана, изразена подготвеност за унапредување на севкупните односи со Казахстан
-
Израел го потврди убиството на лидерот на Хамас
-
Собраниска расправа за меѓувладиниот договор со Обединетото Kралство во врска со партнерство за реализација на инфраструктурни проекти